• Bid vir ons predikante wat die leiding neem by die Pinksterreekse in Kruiskerk en die Hofmeyrsaal.
• Bid dat dit 'n tyd van groot seën en vernuwing vir elke lidmaat sal wees en dat die Heilige Gees al meer beheer oor ons lewens sal kry.

ONS GEMEENSKAP:

• Bid vir almal wat nagskofte werk terwyl ons warm kan slaap.
• Bid vir mediese personeel, polisiemanne/vroue, sekuriteitswagte, petroljoggies en talle ander wat die koue nagte moet trotseer.
• Dank Hom vir die dienste wat hulle lewer in omstandighede wat dikwels uiters moeilik is.

ONS LAND:

• Bid vir hulle wat moet besluit oor ons land se buitelandse beleid en spesifiek ons verhouding met ander Afrika-lande.
• Bid ook vir die miljoene Suid-Afrikaners wat graag wil werk, maar wat vind dat hulle nie oor die vaardighede beskik wat die ekonomie benodig nie; en dat meer en meer van hulle geleenthede gebied sal word om sulke vaardighede te ontwikkel.

DIE WÊRELD:

• Bid vir die byna 900 miljoen mense wêreldwyd wat nie genoeg kos het om te eet nie en, onder andere, tot gevolg het dat daar jaarliks ongeveer 2.6 miljoen kinders jonger as vyf jaar weens ondervoeding sterf.
• Bid vir die beter verspreiding en benutting van voedsel. Daar word beraam dat as gevolg van swak praktyke in die oes, stoor en vervoer van voedsel, sowel as mark- en verbruikersvermorsing, tussen 30 en 50% van die byna 4 miljard ton voedsel wat jaarliks produseer word, nooit enige verbruiker bereik nie.